screencapture-business-facebook-com-sizzhk-insights-1466503753005

喺男朋友心目中,化妝係1件呃女人錢、睇落好簡單、要佢等好耐嘅事。因為大多數男人都唔識化妝,所以佢哋係唔會明白,點解女仔要投放咁多時間同金錢喺化妝上面。上星期小編同男朋友一齊拍Sizz Video,男朋友嘅任務就係幫我化妝,結果當然係化到一舊屎,出到嚟嘅效果亦都震驚十三億人口,想知化成點可以睇返條片。事後,小編搵咗個機會訪問一下男朋友,聽吓佢對於女仔化妝有咩睇法。

對化妝知識一竅不通嘅佢哋,通常對於女朋友化妝嘅理解係以下咁樣:

 

1  對於化妝零知識

bfmakeup7

我:「你知唔知胭脂應該搽喺咩位置呢?」

他:「應該係臉嘅兩邊。」

我:「但你上次拍片,幫我搽胭脂搽咗喺臉豬登嘅下面喎。」

他:「唔係搽喺酒粒嗰個位咩?」(哈哈哈)

我:「……係顴骨啊!」(唔知好嬲定好笑!)

 

 

siusunjj1

我:知唔知眼影要搽喺邊呢?

他:上眼簾,眼窩嗰個位?

我:咁你上次拍片嗰陣,又搽埋對眼下面嗰啲位?

他:我見啲人化妝都會搽埋對眼下面嘅?

我:但其他人唔會搽到成個黑眼圈咁大囉!

他:哦~乜原來係咁㗎?

 

 

bfmakeup8

我:眼線畫喺邊?

他:Er……上眼簾。

我:咁點樣畫啊?

他:打橫畫。(哈哈哈)Er……沿住隻眼畫,畫喺眼睫毛上面。

我:咁眼睫毛中間啲空隙呢?

他:用眼睫毛液黎嚟填補!(哈哈哈,笑死我啦!)

 

 

 

2  化妝越白越好

我:呢支紫色嘅東西係咩嚟?

他:吖呢個我知!(我:我上次同你講嘅!)當粉底用嘅。(我:Er……都啱嘅,正確啲嚟講係調膚色嘅修容液。)

我:咁點解呢支嘢係紫色吖?

他:因為……俾黃皮膚用嘅,黃溝紫咪白色囉!(一臉自豪)

 

 

siusunjj8

我:搽粉底點先為止好?

他:我知,越白越好!(我:真係越白越好?)睇情況啦……化韓妝嗰時咪要白啲。(心諗:韓妹係本身皮膚白)

我:咁咪唔啱囉!(他:係嘅咩?)係要啱自己膚色㗎嘛!

他:咁阿Bie(我哋個Friend)咁黑點算啊?

我:咪用啲黑啲嘅粉底液囉。

他:哦,好慘啊……。(哈哈,勁衰!)

 

 

3  對於化妝品一竅不通

bfmakeup2

我:話你知啦,光影粉係用嚟加深輪廓嘅,咁你覺得邊啲地方要用光粉嚟提亮呢?

他:Um……唔知。

我:係臉豬登、鼻樑同額頭嗰啲位啊。

他:咁個額頭睇落咪好多油囉?

我:得你油咋嘛,哈哈哈!

 

 

siusunjj3

我:知唔知睫毛液有咩用?

他:係冇用嘅。

我:你就冇用!

他:Um……應該係用嚟整到眼睫毛黑啲。(哈哈哈,超白痴嘅答案!)

我:係令到眼睫毛長啲同濃密啲啊!(他:哦!!!)

 

 

 

CorporateStore-Penha-Curacao-Mac

我:知唔知道M.A.C.係咩嚟?

他:Mac機囉!(哈哈哈)

 

 

 

4  覺得化妝品牌呃人錢

bfmakeup4

我:知唔知道碎粉有咩用呢?

他:唔知。

我:係用嚟定妝㗎,你對於碎粉有咩睇法呢?

他:呃人錢囉!粉底就應該要包埋遮瑕、定妝作用㗎嘛,夾硬拆開嚟呃人錢嘅。

我:你又啱喎,哈哈!

 

 

bfmakeup5

siusunjj6

我:你上次幫我化妝以為假眼睫毛本身就有痴力,好似郵票咁舔吓佢就痴得喎。

他:應該要design吓假眼睫毛可以好似貼紙咁痴先得㗎嘛,又要分開買支痴假眼睫毛嘅膠水,呃人錢!

我:你又有你道理喎,哈哈!

 

 

bfmakeup6

我:你覺得一套化妝掃值多少錢?

他:我諗一支$30,如果1 set有10支$300掛。(好彩你唔係答$3一枝姐!)

我:有啲品牌賣千幾二千蚊喎。(他:哇!點解咁貴?)咁化妝會靚啲、貼啲吖嘛,又用動物毛整嘅。

他:佢話姐,用畫筆都得啦!(哈哈哈)

 

 

5  認為女人不需要那麼多化妝品

bfmakeup1

我:總結嚟講,對於女仔化妝有咩睇法?

他:覺得化妝好呃人錢囉,其實唔需要咁多樣嘢囉!一個女仔頂多要一隻粉底液(要有齊遮瑕、防曬所有功能),(開始數落去)仲有眼彩(其實佢想講眼影,次次講咗做眼彩)、胭脂同埋唇膏(要有埋唇彩功用),就已經夠啦!

我:你都冇講眼線同睫毛液,女仔要大眼㗎嘛。

他:係喎,咁加埋眼線同睫毛液囉。

我:咁眉呢?冇眉又唔得喎。

他:咁加埋眉筆啦。

我:咁講落去咪又係咁多!!!(他:係喎……)仲要買化妝袋、睫毛夾、鏡子……呢?

 

6  覺得化妝複雜和耗費時間

siusunjj5

他:原來有咁多化妝品,咁唔怪得化妝要化咁耐啦。

我:咁作為男朋友,係咪要好好體諒我哋啊?

他:不嬲都體諒㗎啦。(哈哈!)

 

 

喺男朋友嘅角度,一定覺得化妝好簡單、好浪費時間,每次出街前都要佢哋等好耐。男朋友永遠都唔會明白,點解我哋要花咁多錢喺化妝品同護膚品上面,佢哋永遠都唔明白,點解我哋化妝可以化咁耐。經此化妝任務之後,小編嘅男朋友先至開始明白少許,但理智嘅佢哋,依然會覺得化妝品真係好呃人錢,哈哈!

 

有興趣可Like/Follow
Facebook Page: JJ Man
Instagram: jjman.c / cookingjj

Advertisements