screencapture-business-facebook-com-sizzhk-insights-1466503717671

以前細細個玩電腦當然唔係玩社交網絡,而係一放學就衝返屋企玩線上小遊戲,有時上電腦堂都會偷偷地上AsiaDog、線上遊戲帝國、線上遊戲地帶等網站玩遊戲,成日等新game出,仲會同細佬玩2人對決遊戲,好多都又易玩又好玩,畫面又靚,以下20個經典線上遊戲,唔好話我知你冇玩過啊!

1  無個性戰隊

呢隻game當年真係好興,成日都見到佢係線上遊戲排行榜的第1位,好多男同學茶餘飯後都會討論呢隻game。

340_837878

 

2  小朋友落樓梯

呢隻game相信好多人都會玩過,操作好簡單,就係左右鍵,但都唔容易玩㗎,最經典最好笑嘅位係,當個小朋友跌咗落街game over之時,就會發出非常慘烈的叫聲「啊!!!!」真係好鬼搞笑。

maxresdefault

 

3  小朋友齊打架

雖然隻game個名開頭又係叫小朋友,但係另1回事,呢隻動作線上遊戲,當年真係好受男生歡迎,亦係排行榜頭幾位。

Lf2

 

4  密室逃脫

近年真人密室逃脫遊戲玩到咁出名,睇嚟大家都唔記得咗以前呢隻線上遊戲啦,要喺1間密室裡面搵到唔同線索幫你逃離密室,小編冇次成功,因為每次都冇咁好耐性完成呢隻game。

3379971l

 

5  打外星人

善用數字鍵盤嘅線上遊戲之1,呢隻game有好多同類型嘅遊戲,但相比之下,佢啲畫面同公仔都較靚,而且有好多關、唔同變化,仲有商店買錘仔,真係好好玩,童年回憶嚟㗎。

waixingren

 

 

6  貓狗大戰

呢隻相信冇人未玩過,好多線上遊戲都係用貓狗做主題,計算角度,互相拋垃圾攻擊對方,大家一定玩過。

catdog

 

 

7  電眼美女

呢隻game嘅公仔太靚啦,而且出咗好多唔同版本,除咗課室做主題,亦有沙灘、廟會篇。呢隻game直頭反映咗港女收兵嘅真實情況,你睇下面個㗎妹收咗幾多隻兵,呢至game仲唔係應該叫做「觀音娘娘」?

maxresdefault (1)

 

 

8  馬仔大排檔

馬仔係以前好出名嘅香港漫畫家,唔知大家有冇睇過佢本《我的低能之道》呢?佢出嘅線上遊戲都幾好玩㗎,最好玩都係大排檔同埋茶餐廳,最重要係夠香港特色,所以我buy!

unnamed

 

 

9  虐殺火柴人

呢隻絕對係俾壓力爆煲嘅人發洩嘅1隻game,裡面殺人嘅方式實在太變態啦,又用槍又用鋸,鋸到連腦漿都走晒出嚟,真係好血腥!請問設計遊戲嘅人,你確定真係俾小朋友玩嘅?

1fde582f1c92fa91e8c521308011de01_t_w520_h390

 

 

10  生命方舟

日本出過唔少呢類育成遊戲,畫面夠晒靚,玩家唔同選擇,會得出唔同結果,孕育成唔同樣貌嘅小島同生物。

maxresdefault (2)

 

 

11 夜遊人

呢隻game難度真係好高,要搵出唔同機關俾條路夜遊人行,仲要配合佢行嘅時間,一啲都唔容易玩,所以佢都有好多條命俾你死。

zzz

 

 

12 扮靚遊戲

以前女仔必玩嘅遊戲之1,扮靚遊戲都分好多主題同款式,有好多小遊戲俾你揀,所以小編都講唔出有邊隻扮靚遊戲特別出色,不過記得韓國game出嘅衫同妝容嘅款式係幾靚。

beauty

 

 

13 Castle cat

要講到童年最愛線上遊戲之1,一定非Castle Cat莫屬,不過聽聞唔係太多朋友仔有玩過,呢隻game都出過好多版本,下面深夜版本已經係Castle Cat 3啦,公仔同畫面都好靚,而且又有有好多難關同敵人,有挑戰性同刺激,搞到小編好想搵日搵返嚟玩。

p4A1BEMY8S8WC

 

 

14 賣珍珠奶茶

以前細個第1次做生意嘅經驗就奉獻咗俾呢隻game,當年珍珠奶茶都幾大熱,開到周街都係,呢隻game就俾你大顯身手,考你頭腦又要計晒數咁,都幾認真㗎。

zhenzhu

 

 

15 敲鞋跟

呢隻咁經典嘅game點可能未玩過呢?敲得中就可以敲走1層,敲剩1層鞋跟就贏,但唔係成日都咁好彩,有時會敲斜咗,甚至乎敲親個客人隻腳添!

hqdefault

 

 

16 炸彈小子

呢隻game太好玩啦,以前成日同細佬玩2人遊戲,目標係用炸彈殺晒敵人,有時食到法寶仲可以加快、增強炸彈威力等等。

sda

 

 

17 辦公室偷情

唔知大家有冇玩過呢?個老闆好鍾意個女同事,所以成日都同佢吹水,但個女同事同男同事有路,只要你幫到佢地有機會錫錫就有分,真係幾過癮,但以前細個會唔敢睇人錫錫,尤其是同屋企人一齊睇接吻戲,所以玩呢隻game嘅時候紅都臉晒。

maxresdefault (3)

 

 

18 打人發洩遊戲

有類遊戲都幾變態,就係用盡所有恐怖嘅刑具,有個發洩對象可以俾你任打唔嬲,見住個公仔流晒血個樣真係可以抒壓咩?雖然好暴力,不過無論邊個都一定試玩過呢個遊戲,哈哈!

sda

 

 

19 人踏人

呢隻game睇落好簡單,就係要人踏人咁上到飛機,但玩落真心唔容易。

ren

 

 

20 燒章魚丸

有唔少日本遊戲俾你整傳統食物,例如壽司、章魚小丸子等等,小編通通都玩過晒!

xiu

 

仲有咩經典遊戲未講?留言話俾我哋知!

有興趣可Follow
Instagram: jjman.c / cookingjj
Facebook: JJ Kaman Cheung

Advertisements