唔好講笑,宜家啲後生打工仔要喺香港拍拖都好難。為咗打份工,連拍拖嘅時間都冇,唔少人連識男仔、識女仔嘅時間都冇啊!周街都係藥材舖、金舖、大商場,拍拖嚟嚟去去都係行街、睇戲、食飯。年假又唔多,想同男朋友、女朋友去個旅行都難。最慘係咩啊?連做愛嘅地方都冇啊,仲唔係土地問題。

 

hands-people-woman-working-large

冇時間拍拖

後生打工仔每日OT是常識吧!見住自己阿頭日日都準時就走人,自己就OT到8、9點,做到成隻狗咁先走得,放咗工攰到死死下,仲邊有精神同時間去拍拖?得閒啲嘅話,都係同男、女朋友食個飯,就返屋企抖。

 

hong-kong-times-square

香港周圍都係商場

喺香港每次拍拖嘅活動範圍,都離唔開商場,今日去Times Square,聽日行海港城。周街都係藥材舖、金舖,除咗Shopping、食飯、睇戲、同商場裡面啲公仔影吓相之外,好似都冇咩可以做。

 

apple-desk-working-technology-large

冇乜假期放

返工忙到踢晒腳,都行唔開放個假。年假又少,自己阿頭每年都放緊40幾日假嘅時候,自己只可以放10日。仲要一個禮拜返足六日,返六日同五日真係差好遠㗎。藍領仲慘,剩係可以放勞工假,復活節冇得放,連想放聖誕節都要問過老細!即使有錢,同得屋企人、朋友去次旅行,都陪唔到自己男朋友、女朋友去第二次,真係好鬼慘!

 

SAMSUNG DIGITAL CAMERA

天南地北

前排網上流傳一篇文章,係講男、女朋友一個住天水圍,一個住柴灣,同Long D冇分別。咁又係啊,搭程車都要幾十蚊,最快要搭兩個鐘頭車先見到面,眼瞓到死。尤其是平日返工咁攰,要周圍兩頭撲,真係愛情嘅考驗嚟㗎。

 

b76169ac5b5af12f49c7826f9f9a84c9

連做愛嘅地方都冇

宜家啲後生打工仔邊夠錢買樓,只可以癡屋企人住。一個單位咁鬼細,阿爸阿媽又喺隔離房,點會帶到女朋友返嚟做愛吖?

只可以話,宜家啲後生打工仔要喺香港拍拖真係好難。

 

有興趣可Like/Follow
Facebook Page: JJ Man
Instagram: jjman.c / cookingjj

Advertisements