screencapture-business-facebook-com-sizzhk-insights-1466506762970

聽講大台嚟緊喺10月6號會重播《男親女愛》,呢套處境喜劇喺2000年播,由dodo姐鄭裕玲同黃子華主演,好記得當年好hit,睇返收視最高有成50點,平咗《大長今》、《溏心風暴之家好月圓》同《宮心計》嘅記錄。當年呢套劇10點半播,嗰時仲係小學生嘅小編,屋企人當然唔俾我睇啦,今次重播終於可以睇返,喺凌晨12點一於癡住大台睇。你知啦,近年大台嘅嘅劇集已經俾網民話冇乜水準可言,題材唔係講紀律部隊,就係家族、辦公室、宮廷風波,劇情連師奶都估到,結局不外乎天台BBQ、結婚、跳舞,或者接到order成team人要出動。點似得以前嘅劇集,諗返起都想返睇,講到絕世好劇,以下呢幾套一定走唔甩啦。

201508051611455_08613

1  十月初五的月光
祝君好同初哥哥一定冇人唔識啦,當年首《祝君好》都唱到街知巷聞,到宜家都仲唱緊。遲下11月仲會上埋電影版,呢套劇嘅忠實粉絲一定要入場睇。

 

050E000051C8186A675839182B080653
2  皆大歡喜
「唏呀唏呀唏唏呀唏呀唏 團結一心有新轉機」無論套劇抑或首主題歌都係咁出名,以千禧年嘅處境喜劇嚟講,呢套都算係代表作,由家燕姐主演,拍過古裝同時裝劇,兩套收視都好理想,夾埋拍咗成700集。

 

TVB_Gods_of_Honour_poster

3  封神榜
有睇過呢套劇嘅朋友,一定記得扮哪吒嘅陳浩民、扮3眼仔嘅錢嘉樂、扮妲己嘅溫碧霞等等。呢套劇喺2002年播放,好記得臨結局尾哪吒變咗做蓮藕仔,飾演佢阿媽嘅苑瓊丹超好戲,喊到好慘情。當年呢套劇真係太受歡迎太好睇,所以大台都重播咗成3、4次。

 

050E000051B6E5E26758397ABF02E5F1
4  尋秦記
又1套當年大受歡迎的好劇,但因為喺夜晚播而冇睇到,哈哈。劇情係關於1個現代人回到過去古代戰國時期嘅故事,大家一定會記得由古天樂飾演嘅項少龍,仲有被人話整容前嘅林峰。最近大台都有類近題材嘅電視劇啱啱上咗,就係《張保仔》,好唔好睇得過呢套經典之作,就真係要睇過要知啦。

 

Shine_On_You
5  青出於藍
「三水漁農業職工會尹兩燦慈善基金尹丁寶瑞紀念中學」,有冇人記得呢間學校個名?其實係套戲入面嘅1間band 3中學,由歐陽震華和郭可盈飾演老師,仲有大家應該都唔會唔記得,趙頌茹同周永恆呢pair由熒幕情侶變成真實情侶,到近年仲鬧出離婚風波。八卦嘢唔講啦,以前呢套劇集真係好青春,尤其是嗰句歌詞「同學各位 找個位 這是你的開學禮」,大家一定有印象啦。

 

_
6  齊天大聖孫悟空
「型到跌渣」、「畢巴你個隆地咚」、「Yo!駛乜驚呀!」都係當年出自呢套劇嘅金句,嗰陣時個個同學仔都講緊,變成咗唔可以唔識嘅潮語。好記得當年啲家長係咁鬧呢套劇集粗俗,教壞小朋友,但宜家諗返起真係句句都係童年回憶,當年Twins仲好紅,張衛健又搞笑,日日返屋企都係坐定定等睇佢。

 

2
7  當四葉草碰上劍尖時
當年大台拍嘅青春偶像劇真係唔錯,搵嚟嘅演員個個都係望落好青澀嘅偶像歌手,唔係好似宜家咁,剩係力谷第1線演員。《四葉草》系列拍到《赤沙印記@四葉草.2》都仲係好受歡迎,到第3輯打後就後勁不繼啦。

 

Tumblr_mayw1bm8fR1rytwvlo1_1280
8  衝上雲霄
「天氣不似預期 但要走總要飛」呢套關於航空的時裝劇唔使多講都知道出名,被譽為難道極高嘅題材之一,成套劇集用咗3年製作,又要飛去好多國家拍攝,又同國泰航空公司、香港機場管理局合作,認真大製作,抵佢當年咁受歡迎,所以2013年仲拍埋續集,繼續有吳鎮宇坐鎮。

 

war_and_beauty
9 金枝慾孽
以宮廷電視劇嚟講,呢套都算係代表作,講宮廷裡面勾心鬥角、爾虞我詐嘅故事,反映咗香港辦公室政治嘅文化,所以好受觀眾歡迎。當年呢套劇贏過唔少台慶獎,好多地方嘅電視台都有播出,湖南衛視播出之後,仲成為全國收視冠軍,2013年仲出埋續集,不過自此之後以宮廷勾心鬥角為題材嘅劇集越出越多,睇到人都悶。

 

main_06
10 溏心風暴
除咗宮廷鬥爭之外,家族爭家產嘅題材都好熱門,其中呢套真係千禧年代嘅代表作,2006年播出,有睇過嘅你,一定會記得司棋姐嗰句「唔使驚 荷媽係大廳」,仲有關菊英首《講不出聲》啦。

有興趣可Like/Follow
Facebook Page: JJ Man
Instagram: jjman.c / cookingjj

Advertisements