中秋節喺好多人心目中係個重要節日,每逢呢日都有好多慶祝活動。依家可能只會同屋企人、朋友食餐飯,但諗返起以前細個嘅時候,中秋節過得好精彩、好多野玩,蒲公園已經變成童年回憶。以下呢幾件事你又做過幾件?

IMG_1776
1  約埋成班朋友去蒲公園

每逢中秋佳節夜晚,同屋企人食完飯之後,都會第1時間call齊左鄰右李、同學朋友去公園玩。細個嘅時候,每年都係得呢1晚,屋企人可以俾你出去玩幾夜都得,第2日仲係公眾假期。點解話去公園蒲?因為入夜後嘅公園變得暗暗地,幾有氣氛,而且去公園玩的都是差不多年紀的年輕人,所以公園一定是童年時節日限定的必去蒲點。

 

autuam_cap_1024

2 地上最潮——熒光棒

我敢講,人人細個一定覺得熒光棒係中秋節節日限定嘅潮物,每逢中秋一定會到屋企樓下嘅文具店買筒熒光棒玩成晚,後來推出嘅光纖熒光棒,都勝不過最經典款式嘅熒光棒,細細支又多顏色揀,走一轉公園,會見到街上潮童當正熒光棒係飾物,最重要係附送嘅膠管,可以用來接駁熒光棒,整手環、頸鏈、頭箍之餘,又可以整個熒光棒球玩成晚,所以熒光棒已經成為咗每年中秋必備之物,但諗落其實熒光棒同中秋節係扯唔上關係,而且近年講環保,所以最近個個提倡唔再玩熒光棒。

 

20130919022828-079
3  以為用月餅盒煲蠟好型

臨到中秋節,政府都會喺廣告勸市民唔好煲蠟,因為煲蠟有一定危險性,但細個就係唔識死,煲蠟一定係童年回憶,1個月餅盒、1盒紅色蠟燭、1個火機,就可以玩成晚,可以用蠟燭拼出不同形狀和字句,其實係幾浪漫,不過真係好危險,見過成個月餅盒起火,最後要勞煩管理員滅火,還有清潔工人第2朝要除去地上的蠟,所以大個唔會再煲蠟了。

 

640x409.2015.09.07.i906cy07
4  每年唔係換電話而係電子燈籠

細個零用錢唔多,所以每年臨到中秋節,見到文具店賣電子燈籠,就會求屋企人買。電子燈籠通常係當時最受小朋友歡迎的卡通人物,記得曾經擁有過美少女戰士、小丸子、叮噹、牛奶妹等燈籠,今年見到街邊賣緊嘅係Minions。而且年都要換1個燈籠,除咗因為鍾意嘅卡通人物每年都唔同之外,電子燈籠播出來嘅音樂會隨時間變聲走音,所以成為買新燈籠的藉口!

 

2CDA586A42E17D24AABFB6F15C994DAB
5  細個曾經自製燈籠

細個一定整過柚子或紙造的燈籠,雖然小編是90後,以前玩開電子燈籠,都知道再上1輩冇燈籠玩,會用柚子皮自製燈籠,入面正中央會插支蠟燭,再用繩吊起整個柚子燈籠。唔知點解,以前上小學時期的美勞堂或者中學的視覺藝術堂,老師都會應節,叫大家整紙造的燈籠,記得有年燒著咗成個紙燈籠,白費心機!

 

s2_540938fd3e074
6  唔知點解一定要食楊桃、柚子、菱角等等

唔知點解平時好日都唔會食楊桃、柚子、柿子、菱角等食物,一到中秋就會食,亦會疑惑點解中秋節一定要食呢幾樣水果,唔通好似新年食髮菜會「發財」、食蔥會「聰明」同一道理?原來唔係,以前農耕社會,楊桃、柚子、柿子都係時令水果,是農民在秋天的收穫,所以順理成章變成中秋節的食品同祭品。

 

2055844
7  月餅永遠都多到食唔曬

每年中秋節前的一、兩個月已經賣緊月餅廣告,因為中國人好興中秋節送月餅俾人,聽說過好耐以前香港人中秋節很難得才可以吃到月餅,但到了今時今日,踏入9月份家中都會有一堆吃不完的月餅,所以不只中秋正日會吃月餅,不幸的話,好可能中秋打後的一個月仍在吃月餅,正如端午節後的一個月還在吃粽子,都是一件很可怕的事。

 

daf44b4f1ff84fdda482f7683b6e9479
8  喺學校玩猜燈謎

以前細個每到中秋節都好興猜燈謎,變成咗學校一年一度的節日活動,全校一齊猜燈謎贏禮物絕對係童年回憶,一個個燈籠被吊起,每個燈籠底部都有一張寫了燈謎的紙條,這個畫面仍然歷歷在目,時日太快,無知的小孩一晚長大,已經好耐冇猜過燈謎了。

 

APTOPIX Hong Kong Mid Autumn Festival

10  同屋企人去維園賞花燈

每年維園都會有中秋綵燈會,有幾年都跟過屋企人去賞花燈,維園嘅花燈好大型,全部都係工匠心血同傳統工藝,但通常大時大節去呢啲地方都要同人逼,所以去過一、兩年就唔會再去。

 

6134293_944395
11  冇食過湯圓等於冇過中秋

正如小標題所講,中秋必食湯丸,湯圓通常不外乎芝麻和花生口味,每人鍾意的口味都不同,而小編最愛後者,除了買市面上現成的湯圓外(食開利川,非賣廣告,哈哈!),很多家庭都會自己包湯圓,甜湯圓裡面是包著冰糖,而咸湯圓則是純糯米粉糰,以咸湯底伴吃。而每年中秋,小編都會特別懷念在家鄉的外公弄的湯圓,呢碗咸湯圓有魚肉、蔥和湯。「茶是故鄉濃」,還有「每逢佳節倍思親」果然說得沒錯!

 

20140907100544
12  舉頭望明月

中秋節又叫「月節」、「月夕」,呢日嘅月亮特別圓同光,每年中秋例牌抬頭賞月,望下上面係咪真係有嫦娥同月兔。記憶中已經有好幾年中秋都落雨,有好多黑雲掩蓋著月亮,不過雨好快落完,唱返首《但願人長久》,個月亮又會走返出來。

 

p1110394_2

13  同屋企人做節食好餸

中秋節又叫「團圓節」,就算約咗朋友,有幾多節目活動都好,都一定要返屋企做節,陪屋企人食餐飯,呢件事絕對係每年中秋必做嘅事。

 

最後,中秋節快樂!

有興趣可Like/Follow
Facebook Page: JJ Man
Instagram: jjman.c / cookingjj

Advertisements